Á einum hotelli í Cape Town í Suðurafrika er roykirúmið doypt til "Coughinroom" - beinleiðis umsett kisturúmið. Tey, sum fáa sær ein guv á Protea Fire & Ice gistingarhúsinum, sita á polstraðum líkkistum.
Roykurin leitar sær upp til lofttapetið, sum er ein prestur og fylgi, ið standa og hyggja niður á roykjararnar frá gravarbakkanum.
Um hugurin er at fáa sær eina sigarett aftrat, ber til at keypa hana í gravsteininum, ið stendur inni í gravkamarinum.
Er hetta ikki eitt fínt hugskot til hotellini í Føroyum? Í staðin fyri at koyra roykjararnar út, so heldur innrætta eitt gravkamar til tey.
Hotellfyritøkan Protea, ið stendur aftanfyri hugskotið er kend fyri øðrvísi innrætting á sínum hotellum. Tíanverri er fyritøkan bara at finna í Afrika enn.
