Eftir tveir greiðar sigrar á Kolombia og Paraguay, skuldi Grønland í nátt spæla truplasta dystin higartil í Panamerikanska meistaraskapinum.
Í teimum fyrstu báðum dystunum hevði Ingi Olsen roynt seg við nógvum útskiftingum, og skiftandi verjuskipanum, men nú skuldi besta spælið finnast fram.
Mótstøðuliðið var nevnliga Uruguay, ið var seedað á øðrum plássið í bólkinum, meðan Grønland var seedað á triðja plássi.
Grønland legði seg tó tíðliga í dystinum á odda, og meginpartin av dystinum vóru eini trý ella fýra mál á muni til fyrimuns fyri Grønland.
Eftir nakrar óhepnar útvísingar eydnaðist tað kortini Uruguay at minka munin burtur, so at støðan, tá ið tveir minuttir vóru eftir, var 29-29.
Grønlendingum eydnaðist at leggja seg á odda aftur, men Uruguay hevði bóltin við støðuni 30-29 og hálvum minutti eftir at leika.
Men Grønland vardi væl, álopsvilla varð dømd, og Miki Heilmann kundi avgera dystin til 31-29 til Grønland.
Sostatt setti Grønland seg á avgerandi næstfremsta plássið í bólkinum, har liðið er javnt í stigum við Brasil á fremsta plássi.
Júst Brasil er stórfavorittur at spæla seg í finaluna saman við Argentina, so tað verður ein enn truplari dystur mikukvøldið klokkan 23.00 føroyska tíð, tá ið Grønland skal royna seg móti Brasil.
