Danska tennisdrotningin, Caroline Wozniacki, hevur fingið eina vánaliga byrjan upp á kappingarárið. Í Australian Open fyri einum lítlum mánaða síðani reyk hon út longu í fyrsta umfari.
24 dagar gingu til hon aftur skuldi dystast, hesaferð í Skt. Pætursborg í Russlandi. Eisini her reyk hon út í sínum fyrsta dysti, hesaferð ímóti Dominika Cibulkova úr Slovakia.
Eftir dystin, sum Cibulkova vann 6-4,7-5, er Caroline Wozniacki nú í vanda fyri at detta enn longri aftur á heimsstyrkislistanum, har hon í løtuni er nummar 18.
