Onnur av kvinnunum, Ása Andreassen, nevndi hetta við, at vit í Føroyum hava ymsar skipanir fyri at behalda ávísar menn í landinum. Vit hava eitt nú sjómannafrádrátt og vit hava handverkarafrádrátt fyri handverkarar, sum arbeiða uttanlands, eins og FAS og DIS og NIS skipanir. Hon eftirlýsti tí eisini ein frádrátt, sum ger, at vit fáa fleiri kvinnur at flyta heimaftur til Føroyar.
Hagtøl vísa, at 2.000 fleiri menn enn kvinnur eru í Føroyum. Logikkurin sigur jú, at um tær fáa einhvønn frádrátt, so flyta tær heimaftur – ella flyta tær ikki av landinum, eins og sjómenn og handverkarar.
Púra beint Ása! Hatta var eitt gott hugskot, sum onkur av okkara kosnu átti at tikið til sín. Vit vilja hava fleiri kvinnur at búgva í Føroyum – tað er jú fortreytin fyri at varðveita føroyska mannin!
