Kappingarárini 1998 og 1999 spældi bosniski verjuleikarin, Ninoslav Milenkovic við B36, har hann royndist sera væl.
Ninoslav Milenkovic spældi 45 dystir við B36, har hann skoraði níggju mál. (Kelda: Faroesoccer).
Eftir tað gekk leiðin til týska liðið, Dynamo Dresden, og seinni royndi Ninoslav Milenkovic seg í belgiskum, kinesiskum, kroatiskum og grikskum fótbólti.
Millum 2004 og 2006 spældi Ninoslav Milenkovic 15 landsdystir við Bosnia Hersogovina.
Fyrst í mai var Ninoslav Milenkovic settur í starv sum hjálparvenjari hjá bosniska landsliðnum.
Mánakvøldið tapti Bosnia Hersogovina 0-3 fyri Onglandi á St. James Park leikvøllinum í Newcastle. Bosnia Hersogovina megnaði at halda málið reint teir fyrstu 60 minuttirnar av dystinum.
Í komandi Nations League kappingini í deild A er Bosnia Hersogovina komin í bólk 3 saman við Týsklandi, Niðurlondum og Ungarn.
##med2##
