- Eins og undanfarin ár verður boðið til gudstænastu mikukvøldið, áðrenn G! Festivalurin byrjar. Festivalgestir, eins og onnur áhugaði, eru hjartaliga vælkomin.
Tað sigur Ovi Brim, sóknarprestur, sum prædikar við gudstænastuna.
Hann vísir á, at løtan verður ríkað við sangi frá A capella bólkinum S7EY og gittarleikaranum, Alva Joensen.
- Eftir gudstænastuna verður borðreitt við lættari máltíð í kirkjukjallaranum, leggur sóknarpresturin aftrat.
