Amerikansk listakvinna búsitandi í Japan fer í kvøld at halda fyrilestur í Norðurlandahúsinum. Evnið er tøving og ull Í kvøld kl. 19 skipar SamVit fyri almennum fyrilestri í Dansistovuni í Norðurlanda-húsinum við altjóða kendu listahandverkskvinnuni Jorie Johnson.
Eisini greiðir Ása Hátún frá skeiðinum í tøving, ið var í Bø í vikuskiftinum og Súsan í Jákupsstovu hugleiðir um ull og annað tilfeingið, náttúru, ferðavinnu, eyðkenni og mentan.
Jorie Johnson býr í Kyoto í Japan har hon m.a. undirvísir á Kyoto University of Art and Design. Hon ferðast eisini kring heimin við framsýningum, fyrilestrum og verkstovum innan tøving.
Jorie hevur tvær bókaútgávur í viðførinum. Í 2006 gav hon út bókina Feltmaking and Wool Magic, og í 2007 bókina Fabulous Felted Scarves: 20 Wearable Works of Art.
Sosialurin hevur í dagsins blað samrøðu við amerikansku listahandverkskvinnuna.
