Føroyska Fríða Vágsheyg Sigurðsson er ein av luttakarunum, tá MGP fer av bakkastokki á DR í kvøld klokkan 20. Luttakarnir hava alla vikuna fyrireika í Horsens og leggja í løtuni síðstu hond á.
Í gjár var generalroynd á pallinum, har øll sendingin var roynd. Høllin var full av ovurfegnum áhoyrarum. Øll Forum høllin er nú í brúk, í mun til tá Melodi Grand Prix var fyri eini viku síðani.
Millum luttakararnar er føroyska Fríða Vágsheyg Sigurðsson, ættað úr Klakvík, sum syngur saman við vinkonu síni Sarah. Tær skulu á pallin sum nummar seks í kvøld. Í hesum høpi kalla tær seg Froja og Sarah. Fríða er dóttir Birgir Sigurðsson og Honnu Vágsheyg.
Sangurin hjá teimum báðum eitur Hvor Bliver Du Af.
Føroyingar kunnu atkvøða gjøgnum SMS og gjøgnum MGP appuna.
Myndir og video er at síggja á teirra Facebook og Instagram síðum.
