Sunnudagin hin 7. desember klokkan 15 letur ein forvitnislig framsýning við jólaborðum upp í Rótini í Klaksvík.
- Dámar tær væl eitt vældekkað borð, og dámar tær væl at fáa íblástur til flotta jólaborðið, so er hetta framsýningin fyri teg.
Soleiðis verður sagt í tíðindaskrivi hjá Norðoya Kunningarstovu.
Í Rótini verða ein framsýning, har kvinnur úr Norðoyggjum geva sítt boð upp á ársins flotta jólaborð.
Lagt verður aftrat, at Magni Huusgaard fer at spæla hugnaligar jólatónar.
Framsýningin í Rótini í Klaksvík, sum er ókeypis, er opin soleiðis:
07. des. kl. 15–18
13. des. kl. 14–18
14. des. kl. 14–18
20. des. kl. 14-18
21. des. kl. 14–18
Lagt verður aftrat, at framsýningin er eitt samstarv millum Norðoya Kunningarstovu og Rótina.
