Fólkaflokkurin er nú fullgyldugur limur í AECR.
- AECR er ein konservativur, borgarligur, nýskipanarsinnaður og ikki minst ES-skeptiskur felagskapur. Tí er tað nátturligt fyri Fólkaflokkin at gerast limur.
Tað segði Jørgen Niclasen, floksformaður, millum annað á fundi í Brussels fríggjadagin 8. november 2013, tá Fólkaflokkurin gjørdist fullgildugur limur í felagskapinum fyri konservativar og nýskipanar flokkar í Evropa, Alliance of European Conservatives and Reformists. (AECR)
Jørgen Niclasen, floksformaður, umboðaði saman við Aage Arnoldson, flokskrivara, Fólkaflokkin á fundinum.
