Felagið fer at keypa ein similator til tyrluflogskiparar, sum flúvga við Augusta Westland 139 tyrlum, sum eru tær, sum Atlantsflog nýtir – ein íløgu upp á 100 milliónir krónur.
Og felagið ætlar, at flogskiparar úr øllum heiminum skulu koma til Føroya at útbúgva seg.
Tað eru 12 slíkir simulatorar til í heiminum. Men atgongd er bara til seks teirra, tí hinir eru til hernaðarlig mál. Og teir, sum eru, nøkta ikki tørvin hjá eitt nú Atlantsflog, tí teir hava ikki alla ta útgerð, sum tyrlurnar hjá Atlantsflog hava.
##med2##
Hans Erik Jakobsen, flogovast á tyrludeildini hjá Atlantsflog sigur, at talan er um størsta framstig hjá Atlantsflog, síðani felagið í 1994 yvirtók tyrluflúgvingina í Føroyum.
Umframt at røkja ferðafólkaflutning til útoyggjar, so verða tyrlunar hjá Atlantsflog eisini nýttar til sjúkraflutning, leiting og bjarging bæði á sjógvi og landi.
