Hetta eru spennandi dagar hjá bæði Klæminti A. Olsen og Gunnari Vatnhamar.
Klæmint og liðfelagarnir í Breiðablik fyrireika seg nú í Norðurmakedonia til fyrra Europa Conference League Play Off dystin móti Struga. Vinnur Breiðablik samlaðu uppgerðina verður Breiðablik fyrsta íslendska liðið nakrantíð at vinna seg í eitt evropeiskt bólkaspæl.
Gunnar og liðfelagarnir í Víkingi Reykjavík er langt fremst í bestu íslendsku fótbóltsdeildini, og 16. september spæla teir í Víkingi steypafinalu móti KA, ið hevur Pætur J. Petersen og Jóan Símun Edmundsson á liðnum.
Eftir upprunaligu leikskránni skuldi uppgerð vera á heimavøllinum hjá Víkingi millum nummar eitt, Víking og nummar trý, Breiðablik komandi sunnukvøld.
Men vegna longu ferðina hjá Breiðablik í samband við Play Off dystin í Norðurmakedonia er dysturin fluttur eitt samdøgur til mánakvøldið klokkan 20.15.
Skal sindur av spenningi koma í nú Víkingur er 11 stig frammanfyri nummar tvey, Valur má Breiðablik vinna á Víkingi.
