##med2##
AB hevði mótbrekku longu í áttanda minutti tá NSÍ kom á odda í dystinum á Argjum í dag, og í steðginum var mótbrekkan enn brattari, tá NSÍ økti til 2-0.
Í seinna hálvleiki stríddust argjamenn munabetri, og serliga Adeshina Lawal brendi stórar málmøguleikar.
AB – NSÍ 1-2 (0-2)
0-1: Petur Knudsen (8.)
0-2: Jesper Flinck Christjansen (42.)
1-2: Bartal S. Petersen (90.)
Asbjørn Heðinsson hjá AB heldur, at heimaliðið avgjørt átti at fingið meir burturúr málmøguleikunum, og tað var heldur seint, at teir fingu minka um munin til 1-2.
Asbjørn Heðinsson slær fast, at teir í AB hava ikki mist mótið, og fara at stríðast fyri sínum møguleika.
Á ljóðfíluni omanfyri ber til at hoyra samrøðuna reportarin hjá FM1, Sjúrður H. Hoydal gjørdi við Asbjørn Heðinsson aftaná 1-2 tapið móti NSÍ.
HER ber til at hoyra Sjúrð H. Hoydal siga frá teimum trimum málunum. Hoyr eisini samrøðuna Sjúrður gjørdi við liðskiparan hjá NSÍ, Klæmint A. Olsen.
