Seks línuskip eru undir Íslandi, og eitt er undir Føroyum. Væntandi fara nøkur línuskip út í vikuskiftinum, ella tá veðrið batnar.
- Línuskipini undir Íslandi fáa mest av toski, blálongu, brosmu og so nakað av longu og hýsu.
Tað sigur Fiskamarknaður Føroya sum væntar, at tvey ella trý línuskip landa mánadagin og so onnur tvey ella trý skip seinni í vikuni.
- Skipið undir Føroyum, sum landar mánadagin, fiskar mest longu og brosmu, sigur marknaðurin.
