Um rætt verður atborið, kann Eyðanstovufjósið hita bæði skúlan og ítróttarhøllina á Giljanesi Um rætt verður farið fram, so er møguleiki at hita bæði skúlan og ítróttarhøllina á Giljanesi við hitanum, sum tey 90 neytini, sum koma at verða í Eyðanstovufjósinum, geva frá sær.
Fjósið er granni til ítróttarhøllina og skúlan - tí skuldi ligið væl fyri at gjørt íløguna júst har, skrivar Jóanis Nielsen á heimasíðu síni.
Ein hitapumpa í fjósum brúkar hitan, sum neytini geva frá sær, skíkt verður nógv brúkt aðrastaðni t.d. í Danmark. Vanliga verða slík anlegg gjørd, at geva varma og heitt vatn bæði í stórbrúkum og í minni nøgdum.
Sagt verður, at fyri at fáa íløguna at svara seg, so skulu minst 25 neyt verða í fjósinum. Í Eyðanstovufjósinum verða 90 neyt.
Oljunýtslan í skúlanum og ítróttarhøllini á Giljanesi liggur um 6.000 litrar um mánaðin.
