Genturnar umborð á 5-mannafarinum Firvaldi hjá Froðbiar Sóknar Róðrarfelag vunnu í dag í heimasjógvi á jóansøku. Hetta var fjórði sigurin av fýra møguligum. Harvið stevnir Firvaldur trygt ímóti FM heitinum.
Sambært skránni skuldi kappróðurin vera klokkan 15. Trupulleikar við startinum vóru orsøk til, at startskotið ikki var fyrrenn klokkan 15.40.
Jallurin sprakk avstað, og onkur annar bátur var eisini betri enn Firvaldur í sjálvum startinum. Men tað var skjótt, at Firvaldur blandaði seg uppí, og væl áðrenn teinurin var hálvrógvin, var Firvaldur fremstur. So var spurningurin bara, hvussu tryggur sigurin fór at verða, og hann var ógvuliga sannførandi.
Fípan Fagra úr Klaksvík vann kappingina um næstfremsta plássið. Hetta var besta úrslitið hjá Fípuni í ár. Jallurin og Silja, sum hava verið nummar tvey og trý á undanfarnu stevnum, vóru á ávikavíst triðja og fjórða plássi.
| 1 | Firvaldur | 05:44.20 | ||
| 2 | Fípan Fagra | 05:49.20 | ||
| 3 | Jallurin | 05:51.05 | ||
| 4 | Silja | 05:51.17 | ||
| 5 | Sílið | 05:51.24 | ||
| 6 | Spógvin | 06:01.09 | ||
| 7 | Blikur | 06:13.10 | ||
| 8 | Dúgvan | 06:15.24 |
| 1 | Firvaldur | 28 | ||
| 2 | Jallurin | 21 | ||
| 3 | Fípan Fagra | 20 | ||
| 4 | Silja | 19 | ||
| 5 | Sílið | 12 | ||
| 6 | Spógvin | 8 | ||
| 7 | Blikur | 3 | ||
| 8 | Teistin | 1 | ||
| 9 | Dúgvan | 0 |
