Aftur í dag vóru tað teir úr Klaksvík og teir av Argjum, sum stríddust um sigurin í kappingini millum 5-mannaførini við dreingjum.
Sí myndir frá jóansøkuróðrinum við at trýsta HER
Á Skálafjørðinum fyri viku síðani eydnaðist tað Bliki av Argjum at basa Fípuni Føgru, men í dag svaraðu teir úr Klaksvík aftur á jóansøku í Vági. Talan var um sera tætta kapping. Fípan Fagra legði betri fyri, so svaraði Blikur aftur og legði seg framum, men tá ið teinurin var gott og væl hálvrógvin, legði Fípan Fagra seg framum aftur, og hóast munurin var lítil, so var tað púra greitt, tá ið teir báðir fremstu fóru fram ímóti málinum, at tað var Fípan Fagra, sum var fremst.
Jallurin hjá Róðrarfelagnum vann kappingina um bronsuplássið.
| 1 | Fípan Fagra | 05:04.18 | ||
| 2 | Blikur | 05:05.13 | ||
| 3 | Frúgvin | 05:12.17 | ||
| 4 | Ternan | 05:14.16 | ||
| 5 | Jallurin | 05:17.03 | ||
| 6 | Tekla | 05:23.12 |










