Tað var tá eitt mótmælistiltak var uttan fyri Finsin fyrrakvøldið, í sambandi við eitt tiltak hjá felagnum Føroyar Ísrael, at ávíst rok kom í sambært løgregluni. Mótmælistiltakið uttanfyri var ikki fráboðað løgregluni.
– Hetta gjørdist eitt sindur ov rokaligt, har fólk fóru at rópa, og onkur av mótmælisfólkunum fór inn í Finsen og stjól eitt ísraelskt flagg, segði vaktleiðarin á politistøðini við miðlarnar í gjár.
Í morgun sigur vaktleiðarin, at ísraelska flaggið kom afturíaftur.
– Men tá var okkurt skrivað og teknað á flaggið, og tann heilsanin, sum varð skrivað á flaggið, var ikki serliga pen, sigur vaktleiðarin.
Eingin er enn skuldsettur í málinum, men løgreglan sigur seg hava eina greiða ábendingn um, hvør perónurin er, sum tók flaggið.
At gera seg inn á eitt flagg, kann vera revsivert. Men løgreglan sigur, at talufrælsi eisini telur nógv í slíkum samanhangi.
##med2##
