Tað var ein óvanlig sjón fyri havnarfólk, tá nótaskipið Finnur Fríði fríggjadagin á Havnina og legði at við Vestara vág.
Stutt eftir varð skipið tikið upp á beding hjá MEST, har arbeitt verður við at leggja eitt heilt dekk á skipið.
- Í løtuni hevur Finnur Fríði einans eitt hálvt dekk, men ætlanin er at leggja eitt heilt dekk á, so hann hevur eins dekk sum Tróndur í Gøtu. Tað hevur við sær, at arbeiðsumstøðurnar verða betri og tryggjaði umborð, upplýsir Varðin Pelagic fyri in.fo.
Finnur Fríði fór á beding fríggjadagin 29. januar og sleppur væntandi aftur til fiskiskap 12. februar. Eftir ætlan fer skipið tá til fiskiskap eftir lodnu undir Íslandi.
