Amerikanska Budweiser, spanska San Miguel og Tiger úr Singapore. Einaferð hava hesi merki verið lokal bjór, men í dag eru tað stórar altjóða fyritøkur sum eiga og marknaðarføra. Og harafturat verða hesi sløgini bryggjað ymsastaðni í heiminum á sokallaðum lisensi. Kenda Heineken eigur millum annað Tiger. Sum tað týðuliga sæst á ummælunum er her veruliga talan um mainstream pilsnara-øl úr niðasta skuffu. Poppsmartar øl. Hví stendur Budweiser-dósin at rúma 473 cl? Tað er næstan 5 litrar. Undarligt at teir ikki hava varnast prentvilluna hjá Anheuser-Busch í St. Louis.
Føroya Bjór er aftur á slóðina við einari rabarbu-bjór, nevnd Ydun, eftir norrønu gudinnuni, ið ímyndar ævigan ungdóm. Fólkini á Føroya Bjór hava verið sera røsk seinnu árini at menna nýggja vøru og enntá við at nýta tilfeingi úr føroysku náttúruni. Í hesum førinum, føroyskar rabarbur. Tað skula tey hava stórt herðaklapp fyri! Men ikki altíð hepnast líka væl. Ydun riggar ikki heilt. Haldi eg. Bjórin er alt ov løtt og rabarbu-eyðkennið ov veikt. Minnir ov nógv um vanligt lætt pilsnara-øl og tíverri kemur ein metal-tóni fram í smakkinum sum órógvar nakað nógv. Liturin er vakur, men sum innihalds-lýsingin á etikettuni sigur, er talan um E163, eisini kent sum anthocyanin. Vit ræðast E-nummur, men í hesum førinum er talan um natúrligt litevni, vunnið úr víndrúvuflusi.
Heiti: Føroya Bjór Ydun rabarbubjór (4,6 % abv)
Uppruni: Lager-øl úr Føroyum
Ummæli: Vakur reyður litur. Froðin somuleiðis rósa-skúmandi. Sera veikur angi, eitt sindur vinøsur frá rabarbunum, annars einki. Einki samsvar er millum lukti og smakk. Ein harður metaltóni og keðiligur pilsnara-smakkur er alt. Ikki væleydnað bjór.
Kostnaður: Kr. 57,50 (6-pakki)
Skoðsmál: 2 stjørnur **
Heiti: Budweiser (5 % abv)
Uppruni: Lager-øl úr USA
Ummæli: Ljósur gulur litur. Kritahvítur froði. Eingin angi, eingin smakkur. Men bleyta kenslan gevur eina stjørnu.
Kostnaður: Kr. 20,00 (47,3 cL)
Skoðsmál: 1 stjørnu *
Heiti: San Miguel Especial (5,4 % abv)
Uppruni: Lager-øl úr Spania
Ummæli: Ljósur gulur litur. Kritahvítur froði. Eingin angi, eingin smakkur. Rá kolsýru-kensla. Sera vánalig bjór.
Kostnaður: Kr. 21,50 (50 cL)
Skoðsmál: 0 stjørnur
Heiti: Tiger (5 % abv)
Uppruni: Lager-øl úr Singapore
Ummæli: Ljósur gulur litur. Kritahvítur froði. Ein veikur og fínur humlu-angi. Í lætta smakkinum eru tónar av sitrus og humlu. Annars rættiliga vatndeyv.
Kostnaður: Kr. 16,50 (33 cL)
Skoðsmál: 2 stjørnur **
