Ein farleið millum Norðurlond og restina av Evropa verður nú skerd, og væntandi fer hetta at elva til ruðuleikar í ferðsluni komandi fýra mánaðirnar.
Lastbilar sleppa nú ikki um brúnna á motorvegi A7 um Kielersundið við Rendsborg, og bara eitt spor er opið til persónbilar hvønn vegin.
Betongkonstruksjónin er so illa farin á brúnni, sum er frá sjeytiárunum, at berandi stólparnir mugu styrkjast. Arbeiðið fer væntandi at taka fýra mánaðir.
Í morgun vóru bilrøðirnar 20 kilometrara langar norðureftir og fimm kilometrar suðureftir, skrivar dr.dk frá Flensborg Avis.
Vanliga koyra 40.000 akfør dagliga um brúnna, men á hásumri liggja tey um 55.000.
Lastbilar størri enn 7,5 tons verða bidnir um at velja langar umvegir, og hetta fer at kosta flutningsvinnuni dýrt.
(mynd: DR)
