Eitt arbeiðsóhapp var í Kollafirði í gjárkvøldið, tá ein maður fekk eina hoyballu oman yvir seg.
Maðurin, sum er í sjeytiárunum, var farin at ambæta neytunum, tá hann var óheppin og endaði undir eini hoyballu.
Sjúkrabilur kom á staðið og koyrdi mannin á Landssjúkrahúsið.
Løgreglan sigur, at av tí at málið er at rokna sum eitt arbeiðsóhapp, verður Arbeiðseftirlitið kunnað um hendingina í dag.
