Í kvøld klokkan 19 spæla kvinnurnar hjá H71 og Neistanum seinnu hálvfinaluna í Faxe Kondi kappingini í Hoyvíkshøllini.
Neistakvinnur hava harðan arbeiðssetning. H71 er á odda 31-23 frá fyrru hálvfinaluni, men í hondbólti gongur tað ofta skjótt, og neistakvinnur fara at spæla fyri sínum møguleika.
Sjúrður H. Hoydal fer at siga beinleiðis frá dystinum á FM1. Sett verður niðan í Hoyvíkshøllina tá tíðindasendingin er liðug umleið klokkan 18.45.
Øll kunnu hoyra FM1 á www.fm1.fo
Ljóðsamrøður og frásøgn vera at hoyra á www.trok.fo seinni á kvøldinum.
