Chris Froome, sum fleiri meta sum ein favoritt at vinna Tour de France, er nú samanlagt á odda, eftir at áttandi teinurin var súkklaður í dag. Hetta var fyrsti teinurin í fjøllinum. Eins og í fjør, so sigraði bretin.
Ein av sterkastu avbjóðarunum, Alberto Contador, misti væl av tíð í mun til Chris Froome, sum breyt frá góðar fimm kilometrar frá málinum. Hann kom á mál 51 sekund frammanfyri nummar tvey, liðfelagin Richie Porte.
Chris Froome og hansara lið, Team Sky úr Bretlandi, eigi nú bæði nummar eitt og tvey í samlaðu støðuni.
Úrslit í dag:
1. Chris Froome (GB/Team Sky) 5:03:18"
2. Richie Porte (Aus/Team Sky) +51"
3. Alejandro Valverde (Spa/Movistar) +1:08"
4. Bauke Mollema (Ned/Belkin) +1:10"
5. Laurens ten Dam (Ned/Belkin) +1:16"
Samlaða støðan í Tour de France 2013:
1. Chris Froome (GB/Team Sky) 32:15:55"
2. Richie Porte (Aus/Team Sky) +51"
3. Alejandro Valverde (Spa/Movistar) +1:25"
4. Bauke Mollema (Ned/Belkin) +1:44"
5. Laurens ten Dam (Ned/Belkin) +1:50"
