Tá nýggja býráðið í Havn fer at hava sín fyrsta fund seinni í mánaðinum, kunnu allir havnarborgarar fylgja við fundinum á internetinum.
Tað lovar Marin Katrina Frýdal úr Tjóðveldi.
Á tíðindafundinum sum nýggja samgongan í býráðnum í Havn skipaði fyri í síðstu viku segði Marin Katrina Frýdal, at Tórshavnar kommuna nú fer at stroyma býráðsfundirnar fyri at veita borgarunum betri kunning.
– Eisini tá býráðið broytir byggisamtyktir, sum so ofta er gjørt í seinastuni, so ætla vit at gera kunningina nógv betri. Hetta so at borgarin beinanvegin veit, um hetta er talan um eitt øki í sínum grannalag, segði Marin Katrina Frýdal úr Tjóðveldi.
Fleiri kommunur stroyma regluliga sínar býráðsfundir.
