Jonhard Hammer
? Eg tori at pástanda, at vit í næstan høvrjari sending hava spælt rættuliga fitt av føroyskum tónleiki. Útvarp Føroya hevur skyldu at spæla føroyskan tónleik, tí hetta er einasta útvarpsstøð í heiminum, ið kann varpa út henda tónleikin.
Hetta sigur Theodor Olsen, sum er ein av vertunum í seinnapartsstendingini Nón hjá Útvarpi Føroya, eftir at Sosialurin í síðstu viku við hagtølunum hjá KODA kundu avdúka, at føroyskur tónleikur er fyri vanbýti í Útvarp Føroya.
? Vit plaga at velja eini 20 løg út til hvørja sending, og onkuntíð eru upp til12 løg føroysk, sigur Ginna Midjord, sum eisini er vertur í Nón.
? Vit leggja okkum serliga eftir at spæla tann nýggjasta føroyska tónleikin, tí hann er oftast í frægara endanum, sigur hon.
Ginna Midjord heldur ikki, at sendingarnar verða betri við at tey spæla útlendskan tónleik, tí tey nýggjaru føroysku orkestrini hava dugað betur at føra seg fram - og dygdin er eisini í lagi.
Teodor Olsen sigur, at nógv av tí, sum kemur út á føroyskum ikki er á nóg høgum støði.
Teodor Olsen fer tó ikki at spæla nógvan føroyskan tónleik í útvarpinum í framtíðini - ikki tí hann ikki vil, men hann er farin til Keypmannahavnar í lestrarørindum.
