Partrolararnir Eysturbúgvin og Vesturbúgvin landa 230 tons av gulllaksi í Vestmanna í dag. Tað er Hollendski frystitrolarin Ariadne, sum tekur ímóti gulllaksinum. Ariadne kann frysta 140 tons um døgnið, tað eru 30 mans við skipinum, teir flestu eru úr Hollandi, hinir eru úr Peru og Porturgal.
Fríggjadagin landaðu Vestmenningur og Fram 300 tons av gulllaksi í Vestmanna, tað fór eisini umborð á Ariadne.
