Endamálið við hesum fundinum er at seta samgonguskjalið undir lupp, soleiðis, at partarnir, sum onkurvegna verða ávirkaðir av ætlaða politikkinum, sleppa til orðanna, og at landsstýrið/samgongan í mun til hetta fær greitt frá sínum ætlanum.
Fundurin er ikki ein fundur um partapolitikk, hetta er ein fundur, sum tekur støði í einum samgonguskjali og teimum áhugamálum í samfelagnum, sum á ymsan hátt verða ávirkað av væntaða politikkinum tey næstu árini.
Skrá:
19:00 – 19:10 Borgarstjórin bjóðar vælkomin.
19:10 – 19:25 Løgmaður greiðir frá ætlanum samgongunar.
19:25 – 19:40 Jón Sigurdson, FAG, greiðir frá arbeiðsgevara sjónarmiðum.
19:40 – 19:55 Sonja Jógvansdóttir, Samtak, greiðir frá teirra sjónarmiðum.
19:55 – 20:10 Hans Kári Vang, KF, - fíggjarligar avleiðingar fyri kommunala geiran.
20:10 – 20:25 Magni Laksafoss ger búskaparligar metingar um samgonguskjalið.
20:25 – 21:15 Pallborð sum tekur støði í samgonguskjalinum og framløgunum.
Við pallborðið sita:
Aksel V. Johannesen, løgmaður.
Høgni Hoydal, landsstýrismaður í vinnumálum.
Ruth Vang, landsstýriskvinna í fíggjarmálum.
Regin Jacobsen, stjóri, Bakkafrost.
Súni Selfoss, formaður í Starvsfelagnum.
Tórbjørn Jacobsen, formaður í KF.
Fundarstjóri: Ben Arabo
Fyrireikararnir siga, at meldast skal til fundin á www.loksholl.fo, og at ein kaffimunnur verður at fáa frá kl. 18.30.
