Tað er felagið Føroya Ellisakfør, sum hevur heitt á løgtingið um at broyta lógina, tí tað er so keðiligt ikki at sleppa at drekka einar tvær, tríggjar øl, tá teir koyra við gomlu bilunum.
Tí fer løgtingið at hækka promillumarkið fyri ellisakfør frá 0,2 promillu til 0,8 promillu, sum tað var í gomlum døgum.«
Hetta er altso ein joke! Men tó ein paralellur til tað, sum løgtingið samtykti mikudagin, at menn í summum bátum sleppa at sigla fullari enn menn í øðrum bátum.
Johan Dahl, landsstýrismaður, ætlaði at promillumarkið fyri at sigla skuldi vera tað sama sum at koyra bil. Men tað vildi tingið ikki, tí løgtingið vil, at man skal kunna sigla eitt sindur fullari við smærri bátum enn við størri bátum – soleiðis at mann kann tilpassa seg til sjóvarfallið – og drekka øl!
Munnu tey verða heilt appelsinfrí, tá tey atkvøða í løgtinginum?
