Í lýsing á Rás2 og aðrastaðni við hevur Fólkaflokkurin nýtt eitt lag frá Eivør. - Eg haldi tað er langt úti, at tey brúka mína rødd uttan mítt samtykki, sigur Eivør Pálsdóttir.
Lagið "Langt burt frá øðrum londum", sum Eivør Pálsdóttir syngur, verður í hesum døgum nýtt av Fólkaflokkinum í teirra útvarpslýsingum í samband við Fólkatingsvalið. Hetta hevur fingið øði í songkvinnuna, sum ikki vil vera sett í samband við Fólkaflokkin.
Á Facebook skrivar Eivør:
"Havi í dag hoyrt at Fólkaflokkurin nýtir eitt lag, ið eg syngi, í sínum útvarps lýsingum. Eg havi avgjørt einki tilknýti til fólkaflokkin og haldi at tað er langt úti at tey brúka mína rødd í sínum lýsingum uttan mítt samtykki!"
Lýsingin er at hoyra millum annað á Rás2.
