Fyrr í dag vunnu kvinnurnar hjá Fleyr 3-1 á Mjølnir í Gundadalshøllini. Talan var um ein dyst í bólkaspælinum í steypakappingini. Settmunurin var 25-22, 25-22, 22-25 og 25-20. Triðja liðið í bólkinum er KÍF, sum tapti 0-3 ímóti Mjølnir farna leygardag.
Við vunna settinum í dag hevur Mjølnir tryggjað sær minst annað plássið í bólkinum. KÍF má vinna 3-0 á Fleyr í Kollafirði komandi sunnudag. Vinnur KÍF 3-1 ella 3-2 fer Fleyr víðari til hálvfinalurnar uppá betri settmun.
Aftaná dystin prátaði frásøgumaðurin hjá Rás2, Óli G. Samuelsen við tær báðar, Einu Kalsø (Mjølnir) og Anju Danielsen (Fleyr).
Eina Kalsø heldur, at Fleyr var væl betri í dag, og hon hevur tær sum greiðar favorittar til at vinna á KÍF.
Anja Danielsen er ikki hørm um, at Sofía Purkhús og Eina Kalsø eru komnar aftur úr Danmark at spæla í bestu flogbóltsdeildini. Hon heldur, at tær báðar eru við til at hækka støðið.
TRÝST á PÍLIN undir MYNDINI, og hoyr samrøðuna Óli G. Samuelsen hevði við Einu Kalsø og Anju Danielsen.
