Tað stendur enn illa til í Afganistan. Beint nú skriva fleiri altjóða miðlar, at ein spreinging hevur verið við flogvøllin í afganska høvuðsstaðnum Kabul. Og talan er ikki bara um eina spreinging vilja summar keldur vera við - men tvær, sambært BBC.
Sambært sjónvarpsstøðini Al-Jazeera eru umleið 10 deyð, og 15 hava fingið skaða orsakað av spreingingini.
Amerikanska Pentagon hevur váttað, at eitt ókent tal av persónum eru deyðir ella særdir við flogvøllin í Kabul.
