Formaðuri í Føroya Arbeiðarafelag, Georg F. Hansen, sum býr í Miðvági, fer at halda jól heima við hús saman við konu, børnum og abbabørnum.
- Eg havi nokk eingi ávís jólagávuynski til jólini hesaferð, tí tá fólk eru komin í mín aldur, eigur tú helst alt, tú hevur brúk fyri. Tó verða helst onkrar gávur, leggur hann aftrat.
Sum flestu onnur, gleðist eisini formaðurin í Føroya Arbeiðarafelag um jólahátíðina.
- Jú, eg gleðist á jólum, og mær dámar væl jólahátíðina, sigur Georg F. Hansen.
Hann heldur ikki, at árið í ár - undantikið koronu - hevur verið so nógv øðrísi enn undanfarin ár.
- Nei, eg kann ikki koma í tankar um nakað heilt serstakt í árinum, sigur formaðurin í Føroya Arbeiðarafelag.
