Alla hesa tíð hevur felagið arbeitt fyri at varðveita fornminni á Eiði og at vekja ans fyri teimum. Í hesum sambandi verður skipað fyri eini samkomu í ítróttarhølini á Eiði nú leygardagin 1. september kl. 14.
Skráin er sera forvitnislig. Tað verða vístar gamlar áhugaverdar myndir. Petur Martin Rasmussen, fyrrverandi prestur á Eiði, fer at greiða frá ættini hjá teimum á Látrinum, har bygdasavnið á Eiði húsast.
Samstundis verður víst fram eitt 100 ára gamalt 8-mannafar við segli, sum er gjørt úr tilfari, sum Edvard í Skorini hevur spunnið, og sum døtur hansara hava vevað.
Tað verður gott høvi at hugna sær og at fáa eitt prát um gamlar dagar. Í nevndini fyri fornminnisfelagið eru: Anna Jacobina Ellingsgaard, forkvinna, Elisabeth Maria Egilstrøð,
Maiken Müller og Malan Egilstrøð.
Nevndin vónar at síggja nógv fólk á hesi forvitnisligu samkomu. Tað verður høvi til at tekna seg sum lim.
ó.
