Tann 7. december 2012 broyttist alt í lívinum hjá Leif Mikkelsen. Hann og dama hansara, Hjørdis Gullaksen, vóru í einari ferðsluvanlukku, sum kostaði henni lívið.
– Eg hoyrdi, at hon andaði, og eg helt meg til tað. So mátti tað vera nøkulunda í lagi. Men eg bleiv við at vera vátur og skilti ikki, hvar tað kom frá, greiður Leif Mikkelsen frá.
Meðan tey sótu í bilinum, helt Leif, at Hjørdis var svímað. At hon fór at vakna aftur, tí hon andaði. Men tá ið hann hugdi nærri, vísti tað seg, at hon bløddi úr oyrunum.
– Eg hugsaði ikki um at hyggja í oyruni, og eg visti ikki, hvat tað merkti. Um tað var alvorligt. Men eg sá á fólkunum rundan um meg, at tað var ikki gott, um blóð kom úr oyrunum. Og brádliga gavst hon við at anda, greiður Leif frá.
Leif Mikkelsen vitjaði í Rás2, og greiddi frá síni syrgiligu søgu. Trýst á pílin undir myndini og hoyr Leif greiða frá.
