Tey flestu munnu kennast við Grillbúðina hjá Símun, har óði suðuringurin ilskast um tey, ið skulu bíleggja sær mat. Tey, sum ikki kennast við skemtiligu innsløgini, hava so eitt gott grin til góðar.
Um vikuskiftið var ársveitsla hjá EB/Streymi. Hóast árið ikki var av teimum bestu, so var undirhaldið í fyrsta flokki. Her var eitt skemti innslag, har Rúni Nolsøe, venjari hjá EB/Streymi hetta kappingarárið, roynir at keypa liðnum at eta.
Tað gongur tó ikki heilt sum væntað, tí Símun tímir ikki at tosa við venjaran, sum hevur røtur úr Vági. Betri gongur ikki, tá Leif Niclasen, spælari hjá EB/Streymi, tekur yvir og skal bíleggja.
Til ber at hoyra skemti innslagið frá ársveitsluni hjá EB/Streymi við at trýsta HER.
