Í kvøld klokkan 19 fer Danmarks Radio at senda fyrsta part av stóru sjónvarpsrøðini, 1864, sum snýr seg um kríggið millum Danmark øðrumegin og Eysturríki og Preussen á hinari síðuni.
Orsøkin til kríggið vóru tær tjóðskaparligu rørslunar í ávikavist Danmark og stýsku statunum, sum brustu saman í spurninginum um tjóðskaparliga blandaða lagnuna hjá hertugadøminum Slesvik. Kríggið endaði við, at Danmark tapti stórt, og mátti lata hertugadømini, Slesvik, Holstein og Lauenborg frá sær. Tey gjørdust í staðin partur av týska keisararíkinum, sum varð skapt í 1871.
Sjónvarpsrøðin um hetta stóra kríggið er beinleiðis úrslit av politiskari miðlasemju í Fólkatinginum. Sjónvarpsrøðin hevur kostað 173 milliónir krónur, men øll eru ikki eins fegin um røðina.
Pia Kjærsgaard segði við TV-Avsína í kvøld, at hon heldur, at sjónvarpsrøðin bæði er villleiðandi og politiserandi. Hinvegin siga, tey, sum standa fyri verkætlanini, at røðin als ikki snýr seg um politikk.
DR1 sendir fyrsta part av sjónvarpsrøðini í nú í kvøld klokkan 19 føroyska tíð.
Fakta um kríggið í 1864 kann lesast, við AT TRÝSTA HER
Og meira um sjónvarpsrøðina kann lesast VIÐ AT TRÝSTA HER
