Stóru bretsku bløðini Daily Mail og Financial Times vita at siga frá, at joint-venture avtala er gjørd millum oljufelagið Dana Petroleum og so føroyska oljufelagið Føroya Kolvetnisfelag (Faroese Oil and Gas company).
Dana hevur skrivað undir eina fimm ára avtalu sum ?strategic partner? við Føroya Kolvetnisfelag og hevur option at kunna keypa 10% av føroyska felagnum. Hesi árini skal Dana veita føroyska oljufelagnum teknisk og commerciell ráð umframt at hjálpa tí at samráða seg til ?partnerships? við aðrar oljubólkar.
Daily Mail skrivar, at Dana við hesum vil vera við til at kanna sær ein bita av tí oljuríkidømi, sum tykist goyma seg í undirgrundini. Víst verður á, at góðir møguleikar tykjast vera fyri at finna olju á grunnum vatni nærhendis oyggjunum.
Hóast tað fer at verða dýrt at bora við Føroyar, so sigur stjórin í Dana, Tom Cross sigur seg vera ?thrilled? tvs. sera spentan uppá hesa avtaluna.
Føroyk lóg krevur, at útlendsk oljufeløg skulu hava ein lokalan partnara, og hann vónar, at Dana fer at fáa lut í nógvum lisensum.
Dana, sum hevur høvuðsstøð í Bretlandi, hevur stór áhugamál í Ruslandi og eigur 10% í stóra russiska oljusamtakinum Evikhon.
Sambart Financial Times hevur Dana í fleiri ár arbeitt við at fáa lut í eini komandi føroyskari útbjóðing.
