Tríggir dystir vóru í Premier League í kvøld. Teir vóru Burnley-Stoke, Crystal Palace-Watford og Huddersfield-Chelsea.
Serliga Chelsea hevði nakað at prógva, tí leygardagin tapti Chelsea ógvuliga óvæntað á útivølli móti West Ham. Tað eydnaðist eisini Chelsea at tryggja sær sigurin, sum tað eisini varð væntað frammanundan. Chelsea vann 3-1, eftir at hava verið á odda 3-0.
Mest spennandi uppgerðin var á Selhurst Park í London, har Crystal Palace tók ímóti Watford. Leingi sá tað út til, at Watford skuldi fara avstað við 1-0 sigri, men í seinastu minuttunum vendi Crystal Palace øllum á høvdið. Við útjavnandi máli í 89 minutti og sigursmáli í 92 minutti eydnaðist tað Crystal Palace at tryggja sær 2-1 sigur, sum er serstakliga týdningarmikið hjá Crystal Palace í niðurflytingarstríðnum.
Seinasti dysturin, sum var millum Burnley og Stoke, endaði við 1-0 sigri til Burnley. Har kom sigursmálið eisini í seinastu løtu, tá Ashley Barnes skoraði fyri Stoke.
Úrslitini í Premier League í kvøld:
Burnley – Stoke 1-0 (0-0)
1-0 Ashley Barnes, 89.
Crystal Palace – Watford 2-1 (0-1)
0-1 Daryl Janmaat, 3.
1-1 Bakary Sako, 89.
2-1 James McArthur, 90+.
Huddersfield – Chelsea 1-3 (0-2)
0-1 Tiemoue Bakayoko, 23.
0-2 Willian, 43.
0-3 Pedro Rodriguez, 50.
1-3 Laurent Depoitre, 90.
