Leiðarar í City Church hava verið á fundi við borgarstjóra og kommunustjóra hjá Tórshavnar kommunu, og her vórðu umboðini fyri City Church væl móttikin.
- Tosað varð um City Church, nú samkoman ikki hevur hølir at samlast í eftir eldin herfyri. Avgjørt varð, at samkoman fer at leiga seg inn í Reinsaríið og Perluna.
Í City Church siga tey, at tey vanligu møtini, sum samkoman plagar at hava sunnudag klokkan 13, verða í Reinsarínum, og Perlan verður karmur um sunnudagsskúlan.
- Samkoman hevur nógvar ungar familjur, og tí eru tað nógv børn, sum ganga í City Kids, sum sunnudagsskúlin City Church verður kallaður.
Í City Church siga tey, at fyrsta møti og sunnudagsskúli verður í Reinsarínum og Perluni hin 17. mars, tí sunnudagin komandi verður Empower-stevna, og hon verður í Lívdini.
