Tað var eitt sera óvæntað úrslit, ja, nærmast sensatión, tá Celtic á heimavølli í gjárkvøldið í Champions League megnaði at vinna á øgiliga Barcelona.
Tað var gamaní Barcelona, sum hevði so at siga alt spælið, men hvat hjápir tað, tá Celtic fekk málini.
Fyrra kom eftir hornaspark, tá Victor Wanyama stútaði bóltin í netið mitt í fyrra hálvleiki, og sjey minuttir fyri tíð avgjørdi Anthony Watt dystin í einum skjótum mótálopi.
Tað eydnaðist Lionel Messi at minka um munin í yvirtíðini, men hóast eitt langt trýst so at siga allan seinna hálvleik, rakk tað ikki til meira.
Chelsea sat stóran part av heimadystinum móti Shaktar Donetsk á dyntlinum, men í seinasta sekundinum av yvirtíðini eydnaðist Victor Moses, sum var komin á vøllin stutt framman undan, at stúta eitt hornaspark í málið til ein 3-2 sigur til Chelsea.
Úrslitini í gjárkvøldið vóru annars:
Bólkur E
Chelsea-Shaktar Donetsk 3-2
Juventus-Nordsjælland 4-0
Bólkur F
Bayern München-Lille 6-1
Valencia-BATE Borisov 4-2
Bólkur G
Celtic-Barcelona 2-1
Benfica-Spartak Moskva 2-0
Bólkur H
Braga-Manchester United 1-3
CFR Cluj-Galatasaray 1-3
