Leygardagin 1. mai verður fyrsta stóra tiltakið fyri motorsúkkluáhugað, sum verður nevnt Føroya MC-Boogie.
Tað eru Føroya-MC og Føroya Ellisakfør, sum skiftast um at skipa fyri, og leygardagin er tað Føroya-MC, sum skipa fyri.
Dentur verður lagdur á, at hetta tiltakið er fyri øll motorsúkkluáhugað.
? Tær nýtist ikki at vera limur í nøkrum felag, tað er bara at møta upp, siga fyrireikararnir.
Vanlia koma nógvar ? bæði heilt gamlar og nýggjar súkklur til tiltakið, sum er skipað á tann hátt, at møtt verður við Shell-støðina við Ringvegin í Havn kl 11. Shell er høvuðsstuðul hjá Føroya-MC og bjóða kaffi og okkurt afturvið.
Á Shell-støðini verður greitt frá, hvussu túrurin verður skipaður.
Kl 12 verður farið avstað. Koyrt verður fyrst ein túr gjøgnum býin, síðani verður farið norðureftir. Fyrsti steðgurin verður við Streymin, síðani verður koyrt til Elduvíkar, og eftir ein lítlan steðg verður farið víðari, soleiðis at komið verður til Shell-støðina í Gøtudali umleið kl 14:30. Har verður steðgað í umleið ein tíma.
Á Shell-støðini í Gøtudali verður kaffi at fáa og køkur afturvið um framt onkur stuttleikakapping. Síðani verður koyrt til Havnar ? og endar tiltaki við veitslu í Kagganum kl 19.
