Tað var ein brotin rútur, sum elvdi til, at Smyril var seinkaður í fleiri tímar av Havnini í gjárkvøldið.
Hann skuldi fara av Havnini til Suðuroyar klokkan 18.30, men hann loysti ikki fyrrenn á midnátt.
Orsøkin var, at á veg til Suðuroyar mánakvøldið, rendi hann seg í eina íðu undir Suðuroynni við teirri avleiðing, at innara skinnið í rúti í niðaru ferðafólkasalongini brotnaði.
Rúturin fór ikki av einum broti, men eina løtu aftan á tí kunnu tað hava v erið ristingar í skipinum, sum hava elvt til brotið.
Ætlanin var at skifta rútin í gjárkvøldið, men tað gekk ikki heil eftir vild og tí var Smyril seinkaður.
Og fyri trygdina helt skiparin ikki, at tað var ráðiligt at loysa við brotnum rúti fyrrenn rákið var til vildar og tað var tað ikki fyrrenn eftir midnátt og sostatt bíðaði Smyril til tá.
Rúturin er so skiftur í morgun.
