British Airways avlýsir allar flogerðir til og úr Kina alt fyri eitt vegna virussmittuna í landinum, upplýsir felagið.
Avgerðinr er tikin, eftir at bretsku myndugleikarnir hva heitt á bretskar borgarar um ikki at fara til Kina, uttan at tað er hægst neyðugt.
Á heimasíðuni hjá British Airways eru allar ferðir til og úr Kina strikaðar í januar og februar mánaði.
– Vit hava avlýst allar flogferðir til og frá kinesiska fastlandinum alt fyri eitt, eftir at uttanríkisráðið hevur mælt frá øllum ferðum uttan teimum mest neyðugu, skrivar British Airways í tíðindaskrivi.
Coronavirusið í Kina, sum øll óttast, hevur higartil kostað íminsta lagi 136 fólkum lívið í Kina. Sløk 6.000 eru smittað við virusinum, sum verður hildið at stava frá einum djóramarknaði í stórbýnum Wuhan.
Alt bendir á,at virusið hevur smittað frá djórum til menniskju, og at smittan kann fara víðari frá fólki til fólk.
/ritzau/Reuters
