Minst trý fólk eru deyð og tvey fingu skaða, tá ein brúgv yvir ein motorveg í Kina hoknaði niður yvir bilar, sum koyrdu undir brúnni.
Tað upplýsia talsfólk í Beijing sambært tíðindastovuni dpa.
##med2##
Videoupptøku, sum eitt nú blaðið Sout China Morning Post hevur lagt út, vísa ein stóran part av brúnni í Jiangsu landspartinum brádliga detta niður oman yvir fleiri bilar.
Sambært Channel News Asia hendi vanlugkkan í gjárkvøldið. Vanlukkan hendi í býnum Wuxi, sum liggur um 100 kilometrar í ein landnyrðing úr Shanghai.
Fleiri upptøkur vísa bilar, sum eru kleimdir undir niðurdotnu brúnni.
##med3##
– Ein fyribils kanning bendir á, at brúgvin hoknaði undan einum ov ovurlastaðum lastbili, siga myndugleikarnir í Wuxi í eini fráboðan á sosiala miðlinum Weibo.
Tað verður upplýst, at tríggir bilar eru kroystir, og at trý fólk eru deyð, og at tvey fingu skaða.
##med4##
Fimm bilar vóu á brúnni, teirra millum tveir lastbilar, tá vanlukkan hendi.
Fyrr í mánaðin hoknaði ein brúgv í Taiwan, sum datt niður á fleiri útróðrarbátar. Minst 14 fólk fingu skaða.
Tann 140 metra langa brúgvin datt niður, tí ein oljutangabilur koyrdi á henni.
/ritzau/dpa
