Í vikuni hevur verið frammi, at Varðin Pelagic á Tvøroyri hevur ætlanir um útbyggingar. Ein avleiðing av hesum hevur verið, at røddir hava verið frammi og mótmælt ætlanini, m.a. tí at virkið liggur miðskeiðis á Tvøroyri, har tey mótmælandi hava ført fram, at rættast var at virkið lá í einum vinnuøki.
Týskvøldið 24. Januar kl. 19.00 verður borgarafundur hildin í SALT.
Fundurin verður hildin í samband við ætlanina hjá P/F Varðin Pelagic at byggja Protein & Lýsiverksmiðju á Tvøroyri. Ætlanin við fundinum er at geva P/F Varðin Pelagic høvi at greiða frá ætlanini, so borgararnir fáa innlit í málið og fáa møguleika at seta spurningar, sigur Tvøroyrar kommuna.
Skrá fyri fundin:
⦁ Borgarstjórin bjóðar vælkomin
⦁ P/F Varðin Pelagic greiðir frá um ætlanirnar og gongdina í málinum
⦁ Møguleiki at seta spurningar
