Sum heild hava børnini í fjórða og sætta flokki staðið seg væl í landsroyndini í ár.
Sum heild hava næmingarnir í fjórða og sætta flokki staðið seg betri í landsroyndini í ár, enn teir hava gjørt í royndini undanfarin ár.
Tað sigur Skúlablaðið, ið hevur tikið samanum úrslitið.
Hetta er sjeyndu ferð, at næmingarnir í fjórða og sætta flokki hava verið til landsroynd.
Skúlablaðið skrivar, at í fjórða flokki eru miðalúrslitini bæði í føroyskum og tøkni hægri enn undandfarin ár.
Í sætta flokki er framgongd í støddfrøði og í føroyskum, serliga í at skriva fyrisøgn.
Kortini eru einstøk ár, har úrslitini í summum royndum hava verið hægri enn í ár men sum heild eru úrslitini í ár betri enn undanfarnu árini.
Onkur undantak eru tó, serliga í mállæru, har miðaltalið er lægri enn árini frammanundan undantikið.
Í fjórða flokki eru væl yvir prosent av næmingunum yvir miðal í fyrisøgn.
Framgongdin er støðug og samstundis er talið á teimum, sum fáa vánaligt skoðsmál lægri enn onnur ár.
Eisini í støddfrøði er úrslitið betri enn undanfarin á, tí fleiri næmingar eru yvir miðal í ár, enn tað hava verið onnur ár.
Úrslitið í náttúru og tøkni ber á sama borðið .
Hinvegin vísir úrslitið eisini, at í mállæru er miðalúrslitið heldur verri enn frammanundan.
