Leygardagin var stór oljudálking í Havn, tá ein bilur hjá Magn hevði likið olju í Havn og eftir Kaldbaksvegnum til Kollafjarðar
Og í gjár varð aftur boðað frá oljudálking. Hesaferð var tað úr Leirvík gjøgnum Gøturnar og niðan á Gøtueiði, at vegurin varð dálkaður av olju.
– Vegirnar har vórðu skjótt vaskaðir, og tíbetur hendi eingin skaði, sigur vaktleiðarin, sum takkar fjølmiðlunum, sum ávaraðu so væl um oljudálkingina.
Enn veit løgreglan ikki, hvør hevur dálkað vegirnar í Eysturoy. Men tey hava fingið fatur á føraranum á tangabilinum, sum dálkaði vegirnar í Havn. Hann er nú skuldsettur fyri at hava verið óansin.
