Minst tríggjar ferðir í nátt ringdi fólk til løgregluna í Havn og boðaðu frá, at bilførarar vístu ein atburð sum gav teimum illgruna um, at teir vóru ávirkaðir av rúsdrekka.
Løgreglan fór eftir teimum og kannaðu teir, men teir vóru allir edrúir.
Annars hevur tað verið friðarligt hjá løgregluni í nátt.
Inni í einum skeinkistaði tók ófriður seg upp, tá ið ein fullur maður var til ampa, men tað lagaði seg.
Men løgreglan í Havn hevur onga brummu longur, so tey, sum fara í býin í Havn og aðrastaðni á meginøkinum, og sum eru so ólátað, at løgreglan metir, skulu í brummuna, verða koyrd til Klaksvíkar.
Tað mátti ein maður ásanna, sum fór í býin í Havn í gjárkvøldið, men gjørdi so mikið av ónáðum, at løgreglan tók hann og koyrdi hann í brummuna í Klaksvík.
Eisini ein annar maður var so ólátaður, at hann varð settur í brummuna at sova rúsin av sær.
