Amerikanski forseti, Joe Biden, stuðlar einum uppskoti um hjálparpakka til Ukraina og Ísrael, sum Umboðsmannatingið eftir ætlan skjótt skal atkvøða um.
Tað sigur hann í eini fráboðan í dag.
Við stuðulspakkanum fær Ukraina umleið 61 milliardir dollarar – umleið 426 milliardir krónur.
Ísrael fær umleið 26 milliardir dollarar – sum svarar til umleið 181,8 milliardir krónur.
– Umboðsmannatingið má samtykkja pakkan í hesi vikuni, og og Senatið eigur sum skjótast at gera tað sama, sigur Biden í fráboðanini.
Formaðurin í Umboðsmannatinginum, Mike Johnson, segði fyrr ídag, at uppskotini til hjálparpakkarnar væntandi fara til atkvøðugreiðlsu leygardagin.
/ritzau/AFP
